ادخلووووولي مايدخل ترى ازعل

07-11-2008, 06:08 PM

مرحبابكم

أخباركم ؟؟؟

وش الأشياء اللي ترفع ضغطك وتهبل بك وتخليك تطرطع منها ؟؟؟
كل شخص عنده قدره على التحمل لكن بحدود صح ولا لاء
المهم نشوف كيف قدرة تحملكم مع هالأشياء..::

احم احم..نبدأ..

1_تلعب كوره وأنت حافي ثم فجأة ترفس غطا بياره بكل ماأتيت به من قوه تحسبه كوره..

2_تشرب بيبسي حار..

3_شخص يبتسملك وتبتسم له وأثره يبتسم لواحد وراك..::

4_كاشخ ومرسم ومضبط وتتميلح قدام الناس وطرباااااااخ تطيح قدامهم..

5_تنتظر من سنة جدي فيلم يعرض يوم جاء الفيلم أخوك الصغير يصيح يبي السبيس تون..

6_تتابع المباراة وفي قمة الحماس أختك الصغيرة تمر وتفصل الفيش..

7_شريط بلاي ستيشن صعب وموصل مراحل فيه وبقى شوي وتختمه عقبها رحت الحمام ورجعت تلقى الشغاله فاصلته وشابكه مكنسة الكهرب..

8_تصلي وأنت لابس شراب مشقوق وماسح عليه ..

9_تدخل الماسنجر وماتلقى إلا اللي ماتبغاهم..

10_تعطي جوالك لواحد ويرجعه لك والرسائل محذوفه..

11_تشرق بمويه..

12_تشوف فيلم وواحد جنبك يقول لك القصة..

13_ تكون عضو جديد وتكتب موضوع ولا احد يعبرك ويرد عليك كن المنتدى فاضي

14_تذاكر وتذاكر وتذاكر وتقطع عمرك من المذاكرة وبعدين تكتشف إن اللي ذاكرته مو داخل معك في الإختبار

15_تكتب موضوع طويييييل وإذا جيت ترسله يختفي ماتدري وين راح>>>>>>(عشرين....الف ...مليون ...)مره تصير لي مادري وش السبب؟؟

16_تسوي فيها متابع مع الاستاذ وتتورط يسألك سؤال وماتقدر تجاوب..

17_وأنت نايم بعز النوم تجي ناموسه وتغثك..

18_إذا كنت جايب أكل ومشتهيه ومشفي عليه وحاطه في الثلاجه وإذا رجعت تلقاه مأكول..

19_إذا كنت عند رجاجيل ومعك دله قهوة ثقيله وصبيت لواحد وهو ساحب عليك يسولف..

20_إذا أنت رايح الدوام وطالع بدري و يصير الطريق زحمه واخر شي تتغيب

وأنتم حبايبي وش اللي رفع ضغطكم..^_^